O Observatorio de Persoas Tituladas da UVigo, proxecto do Consello Social creado co propósito de que a universidade realice un seguimento das persoas tituladas e coordine todo o relativo ao antigo estudantado, conta cunha Rede de antigos estudantes da que xa forman parte máis de 13.100 persoas repartidas por 70 países dos cinco continentes.
Para a UVigo as persoas tituladas no estranxeiro son o Corpo Diplomático alí onde se encontran como de antenas de visualización para identificar oportunidades para a comunidade UVigo.
Por iso, conscientes do estado de confinamento en que vivimos a consecuencia da actual pandemia por COVID-19, estamos a contactar con eses embaixadores/as para que nos faciliten informacións sobre a situación persoal e profesional nos países en que se encontran contrastada coa súa experiencia como antigos/as alumnos/as da UVigo.
Nas postaxes deste blogue reproducimos por países e data de recepción os Informes Diplomáticos/crónicas que están a chegar ao Observatorio.
